ENOR Technologies

SIGURI E APLIKACIONEVE

Dobësitë duhen zbuluar.Përpara se të shfrytëzohen.

Mbroni aplikacionet dhe të dhënat e biznesit tuaj. Në ENOR, identifikojmë dobësitë përmes rishikimit të kodit dhe testimit, ju ndihmojmë t’i zgjidhni dhe verifikojmë përmirësimet.

Diskutoni sigurinë e aplikacionit tuaj Shihni çfarë kontrollojmë

KUR KA NEVOJË APLIKACIONI PËR NJË KONTROLL?

Sa mirë mbrohet aplikacioni që përdorni çdo ditë?

Funksionimi i përditshëm nuk tregon gjithmonë nëse një aplikacion është i sigurt. Ndryshimet në kod, integrimet dhe mënyra si jepen akseset mund të krijojnë dobësi që mbeten të padukshme.

  1. 01Po përgatiteni për lançimin e një aplikacioni.
  2. 02Keni shtuar funksione ose integrime të reja.
  3. 03Përdorni software të vjetër ose me mirëmbajtje të kufizuar.
  4. 04Menaxhoni të dhëna të ndjeshme të klientëve apo biznesit.
  5. 05Nuk është e qartë kush ka akses në informacion.
  6. 06Keni vërejtur sjellje të dyshimtë ose probleme të përsëritura.

Nëse dyshoni për një incident aktiv, fillimisht përcaktojmë së bashku nëse kërkohet reagim i specializuar ndaj incidentit, përpara çdo vlerësimi.

ÇFARË KONTROLLOJMË

Siguria, nga kodi te mënyra si përdoret aplikacioni.

Rishikim i kodit

Shqyrtojmë pjesët kritike të kodit për gabime që mund të ekspozojnë të dhënat ose të lejojnë veprime të paautorizuara.

Autentikim dhe akses

Kontrollojmë hyrjen në sistem, menaxhimin e sesioneve dhe kufizimet sipas roleve e lejeve.

Siguri e API-ve

Vlerësojmë nëse API-të kontrollojnë siç duhet identitetin, të dhënat hyrëse dhe aksesin te informacioni.

Mbrojtje e të dhënave

Shqyrtojmë si ruhen, transmetohen dhe shfaqen të dhënat, përfshirë informacionin që mund të ekspozohet në log-e ose mesazhe gabimi.

Varësi dhe konfigurime

Identifikojmë komponentë të vjetëruar dhe konfigurime të aplikacionit që mund të krijojnë ekspozim të panevojshëm.

Testim i kontrolluar

Testojmë skenarë të dakordësuar për të verifikuar dobësi dhe ndikimin e tyre brenda kufijve të autorizuar.

Fusha e kontrollit përcaktohet sipas aplikacionit, aksesit të disponueshëm dhe objektivave të projektit.

SIGURIA NË KONTEKSTIN E BIZNESIT

Nuk mjafton të kontrollosh hyrjen.Duhet të kontrollosh edhe çfarë lejohet më pas.

A mund të shohë një klient dokumentet ose porositë e një klienti tjetër?

Procesi i biznesit

Klienti hyn dhe shikon faturat, dokumentet dhe porositë e veta.

Rreziku që vlerësohet

Akses te informacioni i një llogarie tjetër.

Kontrolli që duhet verifikuar

Çdo kërkesë verifikon që dokumenti i përket llogarisë së përdoruesit.

Shembuj ilustrues.

SI E PËRCAKTOJMË FUSHËN E PUNËS

Një vlerësim i qartë fillon me kufij të qartë.

Përpara testimit, dakordësojmë së bashku elementët që e bëjnë vlerësimin të sigurt dhe të dobishëm.

  • Aplikacionet, modulet dhe API-të që përfshihen
  • Mjedisi i testimit
  • Rolet dhe llogaritë që do të përdoren
  • Aksesi në kod dhe dokumentacion, kur është i disponueshëm
  • Skenarët e lejuar dhe veprimet që përjashtohen
  • Orari, kontaktet dhe kushtet për ndalimin e testimit
  • Mënyra e trajtimit të të dhënave dhe e raportimit

Kur është e mundur, punojmë në mjedis testimi. Testimi në prodhim dakordësohet veçmas, me masa për të kufizuar ndikimin.

RAPORTIM QË JU NDIHMON TË VEPRONI

Çdo gjetje duhet të ketë një hap të qartë për zgjidhje.

Rezultatet i organizojmë sipas rëndësisë teknike dhe ndikimit të mundshëm në biznes, që ekipi juaj të kuptojë çfarë duhet trajtuar fillimisht.

Raport vlerësimi sigurie

Raport ilustrues
  1. 1.

    Përmbledhje për drejtuesit

    Pasqyrë e shkurtër e gjendjes, rreziqeve kryesore dhe hapave të rekomanduar.

  2. 2.

    Fusha dhe kufizimet

    Çfarë u përfshi në vlerësim, në cilin mjedis dhe çfarë mbeti jashtë.

  3. 3.

    Gjetjet dhe pjesët e prekura

    Përshkrim i qartë i çdo gjetjeje dhe modulit ose funksionit ku shfaqet.

  4. 4.

    Provat e nevojshme

    Evidenca të mjaftueshme për verifikim, të trajtuara me kujdes dhe pa të dhëna të ndjeshme.

  5. 5.

    Ndikimi i mundshëm

    Çfarë mund të ndodhë në biznes nëse gjetja nuk trajtohet.

  6. 6.

    Prioriteti dhe rekomandimi

    Çfarë trajtohet fillimisht dhe si mund të zgjidhet.

  7. 7.

    Statusi pas ritestimit

    Gjendja e gjetjeve pas përmirësimeve, kur ritestimi përfshihet.

NGA GJETJET TE PËRMIRËSIMET

Vlerësimi sjell vlerë kur problemet zgjidhen.

  1. 1

    Prioritizim

    Përcaktojmë çfarë kërkon ndërhyrje të menjëhershme dhe çfarë planifikohet në vazhdim.

  2. 2

    Përmirësim

    Ndihmojmë me ndryshimet në kod, akses, konfigurime ose varësi, sipas fushës së dakordësuar.

  3. 3

    Ritestim

    Kontrollojmë nëse ndërhyrjet e adresojnë gjetjen dhe nëse ndikojnë te funksionimi ekzistues.

  4. 4

    Dokumentim

    Përditësojmë statuset dhe evidentojmë çfarë mbetet për t’u trajtuar.

Zbatimi i përmirësimeve dhe ritestimi përfshihen sipas marrëveshjes së projektit, jo automatikisht në çdo vlerësim.

SIGURI GJATË ZHVILLIMIT

Më pak probleme të mbartura në lançim.

Kontrollet e sigurisë mund të përfshihen që gjatë zhvillimit, që problemet të kapen kur janë më të lehta për t’u zgjidhur.

  • Kërkesa sigurie që në planifikim
  • Rishikim i ndryshimeve kritike në kod
  • Kontrolle automatike të kodit dhe varësive
  • Menaxhim i sigurt i kredencialeve
  • Testim i aksesit dhe funksioneve të ndjeshme
  • Kontrolle përpara publikimit

Kontrollet automatike e plotësojnë, por nuk e zëvendësojnë shqyrtimin nga njerëz me përvojë.

BESIM PA PREMTIME ABSOLUTE

Siguria është një proces i vazhdueshëm.

Një vlerësim pasqyron aplikacionin dhe fushën e testuar në një moment të caktuar. Funksionet e reja, ndryshimet në konfigurim dhe përditësimet mund të sjellin rreziqe të reja. Prandaj, kontrollet dhe mirëmbajtja duhet të ecin bashkë me zhvillimin e produktit.

  • Kontroll pas ndryshimeve të rëndësishme
  • Përditësime dhe mirëmbajtje të planifikuara
  • Verifikim i përmirësimeve

PROCESI YNË

Nga njohja e aplikacionitte përmirësimet e verifikuara.

Çdo fazë mbyllet me një dorëzim të qartë.

01

Kuptojmë aplikacionin

Proceset, përdoruesit dhe të dhënat me rëndësi.

02

Përcaktojmë fushën

Objektivat, akseset dhe kufijtë e testimit.

03

Kryejmë vlerësimin

Rishikim dhe testim sipas planit.

04

Verifikojmë gjetjet

Shqyrtim i rezultateve për të reduktuar alarmet e pasakta.

05

Raportojmë dhe prioritizojmë

Shpjegojmë ndikimin dhe rekomandimet.

06

Mbështesim përmirësimet

Bashkëpunojmë me ekipin përgjegjës për zgjidhjet e dakordësuara.

07

Ritestojmë dhe planifikojmë

Verifikojmë ndryshimet dhe hapat e ardhshëm.

Çfarë dëshironi të kontrolloni?

Diskutoni sigurinë
Siguria ecën bashkë me zhvillimin e produktit.

PYETJE TË SHPESHTA

Pyetje për sigurinë e aplikacioneve

Shërbime të lidhura

Zhvillim Software

Software i ndërtuar sipas proceseve tuaja.

Zhvillim & Integrim API

API të sigurta dhe të dokumentuara.

Software Enterprise

Sisteme që lidhin proceset dhe departamentet.

Modernizim i Aplikacioneve

Përmirësim i software-it ekzistues me faza.

Suport Teknik & Mirëmbajtje Software

Mirëmbajtje dhe përditësime pas lançimit.

Sa të sigurta janë pjesët më të rëndësishme të aplikacionit tuaj?

Na tregoni çfarë aplikacioni përdorni dhe çfarë dëshironi të kontrolloni. Së bashku përcaktojmë hapin e parë. Mos shkruani fjalëkalime, kredenciale, çelësa API ose informacion konfidencial në këtë formular.

Çfarë thonë klientët tanë

5.0
A
Arben Hoxha, CEO

Kompani Logjistike (shembull)

“Shpjegojnë koncepte teknike komplekse në mënyrë të qartë dhe të kuptueshme për ekipin tonë.”